الثلاثاء، 19 أبريل 2011

كل عام وانت حبيبتى جايدا

اول حاجه الورد روح قلبى عارف بتحبيه

كل سنه وانت طيبه يا احب واغبى الناس عندى
قد ايه مش قادر ابعد عنك وحياة ربنا ونفسر اجيلك النهارده قبل بكرة
كل سنه واحنا مع بعض حبيبى
انشالله هجى بعد يومين واعملك اجمل عيد ميلاد
انت النور الوحيد اللى فى حياتى والله سبت الشغل علشان اكون جنبك حبيبى


بحبك بجد وحاسس انى من غيرك زى الطفل من غير امه وحشانى اوووووووووى

ولو قولتيلى تعال هسيب كل حاجه واجى

شفتى جبتلك احلى تورته يارب تعجبك حياتى

دى لي انا انت عارفه بحبها

ودى كمان بس



وده البتفور اللى بتحبيه ما اقدرش انسى حاجه بتحبيها
ايه رائيك فى الهديه دى انا عارف انك اى حاجه بترضيك
ربنا يخليك لى

ودى خليه فى التلاجه ناكلها سوا مع النسكفيه من ايدك حبيبتى قد ايه اكلك وحشنى وحاسس انى تايه من غيرك

ودى منى ومن كريم ربنا يخليك لينا يا اعظم ست فى الدنيا

ودى لكل اصحابك اللى وقفوا جنبك هديه منى

حبيبى
انا اسفه لو كنت يوم زعلتك اوعدك مش هزعلك تانى ابدا سامحينى
ربنا يبعد عننا الشيطان

انا ابنك وحبيبك وعارف ان قلبك كبير
وحياتى تسامحينى يا روح قلبى وعمرى وحياتى

شفتى انا جبتلك اغنيه بتحبيها جدا

بحبك والله العظيم
كل سنه وانت طيبه حبيبى

زوجك وابنك وحبيبك حسن الشيخ

الثلاثاء، 29 مارس 2011

أشكركم جدا


الورد ده لجايدا وليكم


أنا قلت يجب ان اشكر كل من كان يزور مدونتى وانا فى شرم الشيخ

وعندا حبيت اخد اجازة اقضيها مع زوجتى لانها وحشتنى جدا

وتعبت معايا جدا وقد ايه بيتى كان وحشنى جدا

قلت اشكر كل من زارنى

لانى سعيد جدا وانا مع زوجتى الغاليه وسعيد انكم افتكرتونى

اشكركم

حسن الشيخ

الجمعة، 25 مارس 2011

عيونى الذى ار بيها زوجتى


26 مارس, 2011 04:03 ص

حبيبتى نور عينى زوجتى التى انا لا احسها زوجة بل احسها حبيبة وام و زوجة حنونة فى عمر حياتى كلة
انتى اقسمت باللة من اول ماروحتى بعيد عنى وانا مش عارف الوحدة كبيرة علية من غيرك وانا فى حيرة كبيرة
انا حاسس ان شرم الشيخ ليس لها وجود فى حياتى من غيرك
احس انها سودا من غيرك يا حبيبتى
انا حزنى كبير من غيرك ولا اعلم وان حسيت ان مقدار حبك كبير داخل قلبى
يا حبيبتى احبك كما احببت نفسى واولادى انتى اغلا من نفسى واولادى وعمرى
احبك احبك تذكرى ديما انى لان احب ولا هحب احد غيرك يا حبيبتى لا اللة الا اللة
بحبك بحبك
ِِ

بحبكِ

الاثنين، 10 يناير 2011

siven star


بسم الله الرحمن الرحيم

السلامه عليكم ورحمة الله وبركاته

اما بعد
اولا حبيت اقولكم وحشتونى

ثانيا سامحونى على غيابى عنكم

بجد مشغول جدا

والمطعم واخد كل وقتى

بس بجد كنت عايز اشكر زوجتى الحبيبه عايدة قصدى جايدا العزيزى

لانها كانت دايما واقفه جنبى ولولا امتحانات ابنى محمد ما كنتش فارقتنى

بجد تعبت معايا كتير فى تجهيز المطعم هى وكريم ومحمد وحسام كان بتعبنا

فكرة المطعم كان الاساس فيها كريم ابنى لانه خريخ سياحه وفنادق
وكان بيشتغل فى شرم لكن انا ووالدته حسينا ان صوته حزين وبتاقبله مشاكل
فاقترحنا عليه نفتحله مطعم وبجد كان سعيد جدا وتعب جدا

وماذال يجتهد والحمدالله ربنا وفقنا والمطعم نجح

دى رساله منى لكل اب وام لو امكن تسعدوا اولادكم وتساعدوهم لى ينجحوا

كريم كان شاب مجتهد وطيب وجميل اخلاقيا ربته والدته على الاخلاق والقيم

ولكنه كان يحتاج ان يثبت وجوده والحمد الله كنت معه دائما اساعده

وضفنا وجبات جديده كثيرة ومتنوعه وذاد عدد العمال

اتمنى من الله ان يوفقنا دائما ويوفق جميع الشباب المكافح

ومن جد وجد ومن زرع حصد

ولكل مجتهد نصيب

اتمنى ان تعود زوجتى بعد الامتحان بسرعه لانها النور الذى يضئ سمائنا

دعواتكم اخوانى

المطعم فى قريه السلام امام خليج نعمه

فاهلا ومرحبا لكل من يزور شرم الشيخ

ويارب يوفق الجميع

دعواتكم

بعض الصور التى التقطتها زوجتى الحبيبه قبل سفرها

وسوف ارسل لكم صور جديده معها عند عودتها باذن الله

حسن الشيخ
























الأربعاء، 8 ديسمبر 2010

كانت وهما

حينما قابلتها للمرة الاولى حاولت جاهده ان يصل لنفسى احساس

بانها انسانه مجروحه قلبها ينزف بغزارة

مصدومه من الناس مظلومه من الزمن قاسيه هى الحياة عليها

ورق قلبى لدموعها وكرجل شرقى ونبيل حاولت جاهدا ان اخرجها من احزانها

وتواعدنا وتكلمنا وحلمنا ومن بحار الهوى سكرنا

كانت دائما تردد احبك واحتاج حضنك

انت حبى الاول والاخير

لن احب سواك ولن اخونك حبيبى ما حييت

وطلبت قسمى بالا اتخلا عنها وان تظل هى حبيبتى الى الابد

لا تعلم كم جرحت قلوب من اجلها وهانت على اعز الناس

لكى تشعر بالامان والحنان رضيت بشقائى وتناسيت دموع من احبنى

ولم ارى غيرها كانت السعاده تكمن فى ان اراها سعيده

ومن شدة حبى لها تناسيت جميع اخطائها

ودائما كنت اجد الاعزار والمبررات لكى انسى اخطائها

تواعدنا وترابطنا بقسم اقسمناه

وسافرت وبعد ايام بدأت تتغير ومنى تتهرب

وتعود لتبرر بححج واهيه سر غيابها وتهربها منى

واكتشفت الخيانه كيف ولماذا

وحينما سالتها لم تنكر فعلتها وحاولت التبرير

عسى ان اسامح

وحينما لم اصدقها قالت حل القسم فقمت بحله

حزين انى دست على اغلى واعظم الناس من اجلها

نسيت من اخلصت واحبت وضحت من اجلى بكل صدق

ولكن الحمد الله وعسى ان تكرهوا شئ وهو خير لكم

الحمد الله انه كان مجرد وهم

الخميس، 2 ديسمبر 2010

أنا بيك بعيش


من غير عينيك ما اقدرش اعيش

ومن غير كلامك ازاى انام

ده انا بين ايديك وردة رقيقه

وفى حضن قلبك طفله بريئه

انا بيك بعيش وليك بعيش

بحلم وبعشق ا لابتسام

مين غيرك انت يا نور عنيا نور عنيا

روحى وقلبى وكل ماليا يااغلا ماليا

مين غيرك انت هيحسنى

يمسح دموعى ويضمنى

لو يسمع ندايا

يحضن هوايا

ويسهر معايا

ويعيشنى احلى سنين غرام

اه

من غير عنيك ما اقدرش اعيش

ومن غير كلامك ازاى انام

ده انا بين ايديك وردة رقيقه

وفى حضن قلبك طفله بريئه

انا بيك بعيش وليك بعيش

بحلم وبعشق ا لابتسام
تحياتى
اهداء الى زوجى الحبيب
حسن الشيخ

زوجتك جايدا العزيزي